Bledar Devolli u largua nga stoli i Turbinës në Kategorinë e Parë shqiptare para disa javësh me rezultatet që mungonin dhe klubi gjendej në vendin e fundit në renditje. Prej disa javësh është pa ekip dhe në kërkim të aventurës së tij të re dhe sëfundmi duket se e ka gjetur.
Trajneri është në bisedime për të marrë drejtimin e klubit të Drenicës në Kosovë. Për Devollin do të jetë një rikthim pasi më parë ka drejturar këtë skuadër në vitin 2020. Palët janë në negociata dhe një marrëveshje e mundshme është mëse reale.
Drenica gjendet në vendin e fundit në Kosovë me 2 pikë larg zonës Play-Out dhe detyra e Devollit do të jetë rikthimi te fitoret dhe shpëtimi i sezonit.
