Matheë Boniface mund të jetë largimi i parë nga Partizani në merkaton e verës. Ka ende shumë kohë për të thënë një gjë të tillë dhe në klubin e kuq sigurisht që nuk mendojnë për largime në një moment që janë duke luftuar për titullin kampion, por sigurisht që performanca e sulmuesit nigerian do të shihet në kompleks deri në përfundim të kampionatit.
Deri tani është aktivizuar në vetëm tri ndeshje, në total ka luajtur 67 minuta dhe nuk ka lënë gjurmë. Në janar firmosi për 1 vit e gjysmë, por kontrata mes palëve mund të ndërpritet me marrëveshje.
22-vjeçari e ka pasur shumë të vështirë të gjejë hapësira në radhët e skuadrës 15 herë kampione të vendit dhe me të drejtë duke parë se Ekuban është i pazëvendësueshëm, ndërsa Sukaj po pret shansin për të shpërthyer.
Gjithsesi, Boniface është ende në kohë për të treguar sa vlen, pasi kampionati ka ende ndeshje për të luajtur dhe nëse nigeriani do të jetë vendimtar në minutat që trajneri Starova do ta aktivizojë, sigurisht që pas disa javësh mund të flasim ndryshe.
[caption id="attachment_81386" align="alignnone" width="480"]
Mathew Boniface[/caption]
Lexo gjithashtu
