Flamurtari ka rënë edhe matematikisht nga Kategoria Superiore, ndërsa sezonin e ardhshëm do të luaj një kategori më poshtë. Vlonjatët janë hasur me një sërë pengesash këtë sezon, ndërsa borxhet që klubi ka pasur më herët, kanë ndikuar në largimin e shumë lojtarëve. Në këto kushte, kryebashkiaku Dritan Leli ka takuar administratorin Sinan Idrizi, për të vendosur pikat mbi “i”.
Administratori I ka kërkuar qytetarit të parë të Vlorës që të shohë mundësinë e zhbllokimit të llogarive bankare të klubit, nga borxhet e akumuluara më herët ndaj palëve të treat. Pagesat e qirave të lojtarëve kanë qenë një tjetër temë diskutimi, ndërsa nga ana e kryebashkiakut është treguar vullnet për zgjidhjen e gjërave. Duket se pas shumë peripecish, në Vlorë ka “tym të bardhë”, çka mund ta mbajë Idrizin në krye të klubit, edhe pas përfundimit të kontratës në 31 korrik.
