I është dorëzuar sot trofeu si lojtari më i mirë i muajit sulmuesit të Kombëtares Myrto Uzuni. Një mbrëmje fantastike kjo për beratasin i cili veç trofeut arriti të realizonte një 2 golësh që i dha Granadas fitoren e radhës ndaj Mirandes e mbyllur 2-1.
Uzuni u kthye në njeriun e ndeshjes pasi riktheu te fitorja ekipin spanjoll pas 2 humbjesh. Shqiptari numëron 6 gola në 6 javë me Granadan. Në një postim në rrjetet sociale sulmuesi kuqezi ka ndarë më fansat e tij dhe një mesazh.
Postimi i Myrto Uzunit:
“Shumë i kënaqur dhe falënderues që jam shpallur lojtari i muajit gusht 2022 për La Liga Smartbank. Dua të falënderoj shokët e skuadrës, stafin e trajnerëve dhe administratën. Unë premtoj se kjo është vetëm një nisje e re dhe do të jap gjithçka që mundem që të mund të kthehemi në La Liga përsëri. Sinqerisht, Myrto Uzuni”.
View this post on Instagram
