Triumfi kuqezi bashkon policinë shqiptare me festën e tifozëve

Ndeshja e kuqezinjve nuk ka qenë e veçantë vetëm për tifozët që po e ndiqnin ndeshjen anembanë botës. Menjëherë pas fërshëllimës së gjyqtarit që vulosi fitoren e tanëve në Lyon, tifozë në rrugët e Shqipërisë kanë dalë duke festuar. Ndër ta shohim edhe policinë shqiptare, të cilët edhe pse në orarin e punës, kanë gjetur momentin për t’iu bashkuar  festës së madhe. Ata shfaqen me flamurin kuqezi duke shëtitur në rrugët e Tiranës. Një gjest për t’u vlerësuar, duke treguar edhe njëherë kulturën shqiptare në arenën sportive.