Pogradeci nuk ia doli të shpallej kampion në Kategorinë e Dytë sezonin e fundit teksa e mbylli kampionatin në vendin e dytë të renditjes pas Elbasanit. Liqenorët nuk ia dolën të siguronin ngjitjen as në Play-Off teksa u mposhtën nga Lushnja dhe tashmë do të nisin një edicion të ri ku objektivi mbetet po i njëjti.
Drejtuesit kanë nisur nga puna për të përforcuar organikën e skuadrës dhe së fundmi kanë arritur akordin me 3 futbollistë me vlerë në këtë kampionat. Mateo Pere, Fabjan Nallbati dhe Kevin Myslimi janë përforcimet e reja që do të ndihmojnë skuadrën të arrijë drejt objektivit.
Pere dhe Nallbati sezonin e kaluar kanë qenë pjesë e Devollit ndërsa Myslimi tek skuadra e Sopotit. Në këtë mënyrë, Pogradeci jo vetëm që forcon organikën e tyre por dobëson edhe atë të kundërshtarëve duke u marrë 3 titullarë.
[gallery jnewsslider="true" ids="703726,703727,703728"]
Lexo gjithashtu
