Valon Behrami është larguar përfundimisht nga Kombëtarja e Zvicrës dhe ky vendim i mesfushorit u komentua gjatë, pasi u mendua se ishte trajneri Vladimi Petkovic i cili e kishte marrë këtë vendim.
Së fundmi, për mediat zvicerane, tekniku ka shpjeguar se nuk ka qenë ky qëllimi pse Behramio është lënë jashtë, por ky vendim është marrë për t'iu dhënë mundësinë disa lojtarëve të rinj për tu provuar.
"Unë nuk e kam atë të drejtë të pensionoj lojtarët, vetëm mund të përzgjedh futbollistë. Kam dashur vetëm t'i informojë disa lojtarë se ndeshjet në Ligën e Kombeve do t'i shfrytëzoj për t'iu dhënë mundësi lojtarëve të rinj, për të pasur më të lehtë të zgjedh skuadrën për kualifikimet e vitit të ardhshëm për Euro 2020. Të gjithë lojtarët e kuptuan arsyetimin tim, Gelson Fernandes madje e kishte pritur sepse kishte vendosur vetë të pensionohej, të gjithë tjerët e kuptuan mirë këtë gjë, fatkeqësisht vetëm Valoni jo. Më vjen keq për Behramin, nuk e meriton këtë pas gjithçkaje që ka dhënë për ekipin kombëtar", është shprehur trajneri Petkovic lidhur me këtë situatë.
Lexo gjithashtu
