Tirana ka barazuar 0-0 kundër Vllaznisë, ndeshje e vlefshme për javën e 12-të të Superiores. Një përballje plot spektakël në kryeqytet, por në fund nuk prodhoi fitues.
Rastet nuk munguan për asnjërën nga skuadrat. Në të njëjtin mendim është edhe trajneri Orges Shehi, i cili analizoi shkurtimisht takimin ndaj shkodranëve. Në fjalën e tij për Oversport, ai tha:
“Është e vërtetë që ishte një ndeshje me ritëm të lartë. Unë mendoj që pjesa e parë me të dytën pati pak dallim. Ndryshuam mënyrën e vendosjes. Kundërshtari na hapi probleme me Boshnjakun. Ndeshje që i kishte të treja rezultatet brenda.
Finalja e Superkupës? Sigurisht që do ta fillojmë sërish me Vllazninë. Por, e nisim me një ndeshje superkupe. Manovrat ndryshojnë gjatë lojës. Kur vjen ndeshja që të luajmë, do të marrim masat tona për të përgatitur, pra për të pasur një Plan A dhe një Plan B.
Vllaznia më e vështira? Është një ndeshje që kishte ritëm mbi mesataren. Të dy skuadrat e nisën në sulm dhe në kundërsulm. Lojtarët nisën të kishin probleme fizike. Vllaznia është një nga pretendentet. Duke qenë e tillë, çdo gjë bëhet e vështirë. Është ndeshje rivalësh, që prodhon lojë. Kur të dy ekipet luajnë kështu, rreziku është prezent.
Direktiva për Xhixhën? Dihet që Vllaznia i ka anësorët ofensive. Ne na krijonte pak vështirësi ekrani para mbrojtjes. Kjo na sillte përshtjellim. Në pjesën e dytë, ne ndryshuam. Xhixha dhe Florenti të qëndronin në pozicion të dyfishtë. Pastaj ke situata që duhet të merresh 1 kundër 1 me ta. Ana fizike nisi të cedonte pak. Rreziku ishte prezent. Duke pasur Patrickun dhe Xhixhën, ka edhe frikë të shtylë përpara.
Interpretimi i lojës? Ne ishim më dominantë në pjesën e dytë. Kishim lojtarë ofensivë që më shumë kujdeseshin për fazën e sulmit. Kur skuadra të bën presion, ose të merr mesin e fushës, gjithmonë pjesa para kishte mënyrë që mund ta interpretonte më mirë. Kishte një ritëm të çmendur. Në këtë lloj loje, gjithë mesfushorët lodhën më shumë. Ndaj e ndërruam Veselin dhe Kallakun. Në pjesën e dytë ishim më konkretë, me një pasim për shokun tonë”, tha ai.
Lexo gjithashtu
