Ramadan Ndreu ka folur pas humbjes 1-0 kundër Luftëtarit. Trajneri i Kamzës deklaroi për mikrofonin e Supersport:
Normale ishte i vështirë dhe në momentin e golit. Ndeshjen e kishim përgatitur mirë, duke pasur parasysh që ka dy lojtarë të mirë anësor. Ekuilibrin e prishi goli për fajin e portierit. Aty Luftëtari fitoi terren duke marrë më shumë terren.
Ju gazetarët keni arritur t'i bëni gjërat nga tavolina, se kush bie dhe kush jo. Dy humbje kemi bërë dhe jemi në mesin e tabelës. Nuk e diskutojmë fare mbijetesën. Vetëm ju i nxirrni këto konkluzione.
Skuadra e Gjirokastrës po bën një lojë të mirë sidomos në fazën e sulmit. E përsëris edhe njëherë, nëse do të kishim kujdes do të kishim shënuar.
Nëse Plaku do të ishte i saktë, atëherë do të flisnim ndryshe. Goli që pësuam, që i ndodh kujtdo, i prishi balancën. Pas janarit kemi zhvilluar lojëra të mira. Nuk ka vend për alarm sepse kam besim te skuadra. E kam studiuar me kujdes ndeshjen e Luftëtarit në Gjirokastër.
Duhet të ishim shumë të kujdesshëm në prapavijë, pasi në markimin 1 për 1 duhej të kishim mbyllur çdo hapësirë. Luftëtari është një skuadër që të frikëson vërtetë në sulm. Pas shënimit të golit, do të luanim para se nuk kishim çfarë të humbnim më pas. Do të reagojmë që ndeshjen e ardhshme në shtëpi me Vllazninë", përfundoi ai.
Lexo gjithashtu
