Xhevahir Kapllani ka folur pas humbjes 2-0 kundër Kukësit. Trajneri i Erzenit foli për mikrofonin e Oversport ku deklaroi:
“Mendoj që skuadra u paraqit mirë. Mendoj se kishim grintën e duhur. Skuadra ishte përgatitur për të shtunën. Episodet vendosën ndeshjen. Nuk vonuam zëvendësimet. Kundërshtarët ishin mjeshtra për të vonuar lojën, nga portieri deri lart.
Rastet? Më vjen keq sepse mendoj që gati 70 përqind apo 80 përqind të lojës kemi dominuar ne. Ky është futbolli. Jam i kënaqur me lojtarët. Disa episode, apo mungesa e eksperiencës i ndajnë këto gjëra.
Rezultatet? Ne po vuajmë tani dhe faktorin gol. Po shkojmë shpesh te porta kundërshtare. Edhe me pak fat do të vazhdojmë punën e nisur. Nuk ka vend për rënie të anës psikologjike.
Skema? Ne ndryshuam mënyrën e të luajturit sepse po donim të barazonim lojën. Nuk ka shumë të bëjë moduli i lojës, më shumë se finalizimi. Ne luajtëm shumë lart. Fati mungoi për ta çuar lojën në barazim. Disa individë të Kukësit bënë që ndeshja të marrë rrjedhë tjetër. Edhe në momentin e golit të parë kemi qenë më lart se kundërshtari. Ky është futbolli”, tha ai.
Lexo gjithashtu
