Xhevahir Kapllani ka folur pas barazimit 1-1 kundër Egnatias në transfertë. Trajneri i Erzenit deklaroi për mikrofonin e Oversport:
“Largohem me rezultat pozitiv, pavarësisht se erdhëm për dy rezultate sot. Fusha është super. Mendoj që e kishim përgatitur ndeshjen shumë mirë. Skuadra u vendos shumë mirë. U munduam të zbatonim me përpikmëri detyrat. Kam dyshimet e mia te rasti i penalltisë, por s’dua të merrem fare.
Penalltia? Kisha preparatorin atletik duke stërvitur lojtarët rezervë. Më tha që nuk ishte penallti. Arbitri kishte mundësi, por edhe VAR-i të vepronte ndryshe. Mos të harroj që po luanim me një nga ekipet më të mira në Shqipëri. Është një skuadër që pretendon për titullin dhe për Europën. Ne jemi në luftë për pikë deri në pikën e fundit. Kishim një mungesë të rëndësishme si Krasniqi. Është lideri i skuadrës. Lojtarët që e zëvendësuan u munduan të bënin më të mirën e mundshme.
Objektivi? Gjithçka është e mundur, por gjithçka bëhet edhe e pamundur duke parë skuadrat që janë të forta. Çdo 3 pikësh është flori. Ne do të vazhdojmë me të njëjtat objektiva, me të njëjtin mendim për të dhënë 200 përqind në fushë.
Dy fitore radhazi? Nuk është e lehtë të marrësh dy fitore radhazi. Tani është eleminuar faktori fushë. Kampionati ka hyrë në një rrjedhë të vështirë. Ne do të mundohemi të bëjmë më të mirën.
Afrimet? Siç e kemi thënë, çdo ekip mundohet të përforcohet, baza do të jetë pak a shumë si në pjesën e parë të sezonit”, tha ai.
Lexo gjithashtu
