Sporti shkodran prek pikën më të ulët ditën e sotme teksa ekipi i meshkujve në basketboll ka siguruar edhe matematikisht rënien nga kategoria. Kishte shpresa se diçka mund të ndryshonte por tashmë të gjitha shpresat janë shuar.
Në ndeshjen e sotme, shkodranët janë mposhtur nga Apolonia në ndeshjen direkte për mbijetesë dhe katër javë nga fundi i kampionatit, Vllaznia është zyrtarisht e rënë nga elita e basketbollit shqiptar.
Shpresa e fundit quhej Apolonia por fierakët janë kthyer në makth teksa i mposhtën 86-81 dhe ngjiten në kuotën e 22 pikëve duke lënë shkodranët poshte me vetëm 17 pikë. Vllaznia e artë e para pak viteve ku fitonte gjithçka nuk është më dhe klubi ndodhet në një nga momentet më të errëta të historisë së saj.
