Ish-sulmuesi i kombëtares holandeze, Quincy Promes është dënuar me 6 vite burg, ku mbi të rëndon akuza e trafikut të drogës. Promes i cili momentalisht luan në Rusi për ekipin e Spartakut të Moskës ka mohuar të gjitha akuzat.
Por 32-vjeçari nuk ishte prezent në gjykatë për të dëgjuar dënimin e tij. Përpjekjet e mëparshme për ta ekstraduar atë nga Moska në Amsterdam kanë dështuar. Marrëveshja midis Holandës dhe Rusisë për ta ekstarduar futbollistin nuk është arritur dhe Promes mund t’i shpëtojë dënimit për shkak se mund të pajiset me pasaportën ruse.
Gjykata tha se futbollisti kishte kontrabanduar gjithsej 1363 kilogram kokainë nga Brazili në vitin 2020 përmes portit belg të Antwerp drejt Holandës. Prokurorët kërkuan një dënim prej 9 vitesh heqje lirie, por gjykata vendosi ta ulë dënimin në 6 duke e parë shumë të ashpër vendimin e Prokurorisë.
[caption id="attachment_723642" align="alignnone" width="439"]
Quincy Promes[/caption]
Lexo gjithashtu
