Pirro Dhima, peshëngritësi shqiptar, i cili garoi për Greqinë pas daljes së Shqipërisë nga totalitarizmi komunist, tashmë ka vendosur që të garojë për një tjetër flamur të arenës botërore. Ai pritet që të marrë postin e drejtorit teknik të Federatës Amerikane të Peshëngritjes.
Dhima gjatë viteve të fundit ka qenë deputet i forcës politike PASOK në shtetin helen, por duket se suksesi në politikë nuk është më i njëjti si në sport, ndaj ai ka vendosur të rikthehet. Ai është konsideruar si një nga peshëngritësit më të mirë të gjitha kohërave në botë, pasi ka arritur të fitojë tri medalje ari dhe një bronzi dhe tri herë kampion bote.
https://www.youtube.com/watch?v=zc5q5OAK6Ns
Himarjoti Dhima do të punojë për përgatitjen e peshëngritësve amerikanë për lojërat e ardhshme olimpike. “Jam i kënaqur që kemi në ekip Pirron, një nga personalitetet më të respektuara në botë në fushën e peshëngritjes. Jo vetëm për arritjet e tij, por edhe për kontributin në sport në përgjithësi. Besoj se Pirro do të na japë një shtysë në pjesën teknike për të na bërë një fuqi në këtë fushë”, tha Presidenti i Federatës Amerikane të Peshëngritjes, Phil Andrews.
https://www.youtube.com/watch?v=nOWcrqOSevs
Lexo gjithashtu
