Në kampionatin kroat numri i lojtarëve shqiptarë sa vjen e shtohet. Tashmë një tjetër futbollist me origjinë shqiptare ka zbarkuar në Kroaci, teksa është prezantuar te Slaven Belupo.
Fjala është për Florian Kamberin, i cili është transferuar te skuadra kroate si lojtar i lirë. Sulmuesi mbylli aventurën e tij në Angli me ekipin e Huddersfield dhe tashmë nis aventurën e re në një tjetër kampionat.
“Florian Kamberi është lojtari i ri i Slaven Belupos. Sulmuesi shqiptar me pasaportë zvicerane, i lindur më 8 mars 1995, në Lachen, ka nënshkruar kontratë me klubin tonë deri në fund të sezonit aktual dhe do të jetë në dispozicion të trajnerit Ferencini nga ndeshja me Rudeshin”, thuhet në njoftimin e kroatëve.
Te Slaven Belupo, Kamberi do të gjej edhe dy shqiptarë të tjerë, Arbër Hoxha dhe mbrojtësin Bujar Pllana.
Lexo gjithashtu
