Stivi Frashëri u largua nga Kukësi në fillim të këtij sezoni për të firmosur me Teutën. Në një pronocim për “Ora Skaner’, gardiani i portës durrsake foli për ndeshjen e radhës ndaj Laçit, por edhe për titullin kampion. Frashëri u shpreh se preferon më shumë që Kukësi të fitojë titullarin edhe pse Tirana është në krye me meritë.
Sfida ndaj Laçit? “Kemi një ndeshje direkt me Laçin dhe është një transfertë e vështirë. Të dyja luftojmë për Europë e shpresojmë të bëjmë më të mirën që pas kësaj gjendje të marrim 3 pikët. Shpresoj t’ia arrijmë qëllimit pasi kemi punuar shumë këto kohë dhe kemi besim se në start do të bëjmë maksimumin për të marrë rezultat pozitiv.
Prtishmëri te mua është shumë e madhe, por futbolli ka ulje e ngritje. Shpresoj të ketë kaluar kjo fazë pasi jam akoma më shumë i pjekur dhe të mos kem më uljë e të bëj për skuadrën”.
Kalendari? “Ne do t’i marrim ndeshjet një e nga një e tani vëmendja jonë është te Laçi. Pastaj do të shikojmë ndeshjet e radhës.
Kukësi ka një nga sulmet më të mira në Superliga, por edhe Laçi nuk ngelet pas pasi ka një nga sulmuesit golashënues të kampionatit”.
Kukësi më i mirë? “Kukësi kur isha unë ishte i kompletuar në të gjitha anët, por luftonte ndaj një Skënderbeu që ishte tjetër nivel. Kukësi i vitit të parë kur isha unë ishte më i fortë. Do t’I uroja Kukësit me shpirt të fitoj edhe pse Tirana po bën mirë, por është një preferencë e imja”.
Lexo gjithashtu
