Tirana ka zhvilluar seancën e radhës stërvitore në kuadër të përgatitjeve për ndeshjen e ardhshme kundër Skënderbeut. Lojtarët janë vënë nën urdhrate trajnerit Jul Ahmataj, ndërsa në sy ka rënë mungesa e Michael Ngoo dhe Grent Halilit. Të dy sulmuesit kanë pasur probleme fizike ndaj dita e djeshme ka qenë pushim për ta. Anglezi ka lodhje muskulore, ndërsa Halili ka pësuar një kontraktim në kofshë.
Deri në javën e ardhshme të dy lojtarët priten të jenë gati për të dhënë kontributin e tyre në fushën e vështirë të Korçës. Pas barazimit pa gola kundër Vllaznisë, në transfertë do të synohet një rezultat pozitiv. Euforia është në anën e bardhekuqve pas triumfit fantastik 2-3 kundër Bylisit në Ballsh. Tirana gjendet në vendin e katërt me 19 pikë, ndërsa Skënderbeu i Dajës me 2 pikë më pak në vendin e shtatë.
Lexo gjithashtu
