Kyrian Nwabueze ka folur për gjendjen e tij shëndetësore si dhe interesin e klubeve të Superiores për shërbimet e tij. Sulmuesi i Laçit që po kalon një formë të jashtëzakonshme, është shprehur se problemet në zemër janë diçka që i përkasin së shkuarës.
Sipas tij, asgjë s'është e vërtetë pasi tashmë gëzon shëndet
të plotë, gjë të cilën e konfirmojnë edhe 11 golat e shënuar. 26-vjeçari
amerikan me origjinë nigeriane është shprehur për "Procesin Sportiv":
"E kam vënë re që flitet se kam probleme me zemrën. Ju e shihni se çfarë po bëj
unë. Unë po bëj gola, si mund ta bënte një lojtar me probleme me zemrën? Nuk
mund të them që jam moskokëçarës, se këto më kanë shoqëruar gjithmonë.
Më thërrasin te Laçi
"Kiri" se nuk ma shqipërojnë dot emrin e saktë. Do të më pëlqente të kisha një
fanellë të Henry apo Drogba", ka thënë futbollisti nigerian me pasaportë të
Amerikës.
Golat? Golashënuesi në sezonin e shkuar ishte 13 gola, ndërsa unë 11 gola deri
tani. Nuk është e vërtet që Tirana ka qenë e interesuar për mua. Kukësi po, por
asgjë konkrete", ka thënë ndër të tjera ai.
Lexo gjithashtu
