Tirana-Partizani është supersfida e kësaj jave në Superligë. Derbi nuk ka nisur në mënyrë më të mirë të mundshme pasi dy tifozëritë janë përplasur keq mes tyre. Stadiumi "Selman Stermasi", ka pasur disa ndryshime dhe kjo për meritë të klubit bardheblu. Në një prononcim për "Supersport", ka folur edhe vajza e presidentit Halili, Gold Halili.
"Kjo është një punë e madhe e bërë nga të gjithë që nga drejtori Arbi Laçi, menaxheri Mario Nikolli dhe të gjithë bashkë. Po punojmë për këtë 100-vjetor të klubit. Tirana meriton shumë dhe ne nuk po përpiqemi por po e prekim. Nuk jemi ekipi i parë që po e bëjmë diçka të tillë por kur i prek gjërat nga afër ndihesh ndryshe.
Ne futemi në fushë për të fituar. Tirana nuk humbet ashtu kurrë siç e tha edhe Osmani dje në konferencë. Unë nuk premtoj asgjë për momentin tani, por ne do të punojmë në vazhdim për të qenë në krye ashtu siç duhet të jetë gjithmonë, Tirana. Që të gjithë e ndjejmë derbin si familje", u shpreh Gold Halili.
Lexo gjithashtu
