Erando Karabeci prej disa javësh nuk është nën urdhrat e trajnerit Josa për shkak të atij dëmtimi horror në kabinën e dushit. Kapiteni bardheblu tashmë ka zbritur në fushën e blertë duke kryer stërvitje individuale nën mbikëqyrjen e stafit mjekësor dhe akoma nuk është gati për të dhënë kontributin e tij.
Megjithatë problemet për 24 herë kampionët e Shqipërisë duken se nuk mbarojnë këtu. Dje, bardheblutë kanë zhvilluar seancën e radhës stërvitore në kuadër të përgatitjeve me Skënderbeun. Edhe zëvendës kapiteni Gentian Muça nuk ka zbritur në fushë si shkak i një kontraktimi muskular. Ende nuk dihet nëse ai do të jetë i gatshëm ose jo për teknikun Josa, por duhet thënë që mungesa e tij do të sillte probleme në prapavijën bardheblu duke njohur cilësitë që e karakterizojnë 29-vjeçarin.
Ndeshja mes Tiranës dhe Skënderbeut është vendosur të luhet të premten, në orën 18:00, në stadiumin “Selman Stërmasi” në kryeqytet.
Loading ...
