Tirana ka zhvilluar ditën e djeshme seancën e radhës stërvitore në kuadër të përgatitjeve për javën e 16-të të Superiores. Atmosfera në kampin bardheblu ka qenë e mirë, pavarësisht "stuhisë medietike" që ka përfshirë kampionët ditët e fundit.
Sherif Kallaku ka qenë mungesa e vetme për shkak të një ndërhyrje kirurgjikale, ndërsa pjesa tjetër e ekipit ishte e plotë. Siç shihet edhe në postimin e bërë nga klubi i Tiranës lojtarët shfaqen të qeshur dhe gati për të dhënë kontributin e tyre në arritjen e objektivave sezonalë.
Bashkë me grupin është bashkuar edhe Kristijan Toshevski, mungesa e së cilit është ndjerë shumë në këtë pjesë të parë sezonit futbollistik.
Poll
Lexo gjithashtu
