Tirana ka mbyllur procedurat e licensimit për në Kupat e Europës. Kampionët në fuqi të vendit kanë paguar 300 milion lekë (të vjetër) në Tatime, duke qenë gati për pjesëmarrjen në kompeticione të rëndësishme. Shtypi i shkruar bën me dije se bardheblutë kanë marrë dritën jeshile.
Tanimë mbetet që në fazën e katërt, skuadra që drejtohet nga Orges Shehi të renditet në tre vendet e para të klasifikimit, ndërsa aktualisht është pesë pikë larg nga ky pozicion.
Tirana ka edhe një mundësi më shumë, teksa shpreson që Kupën e Shqipërisë ta fitojë një nga skuadrat e renditura në tre vendet e para (Laçi, Teuta dhe Vllaznia janë aktualisht në lojë), ose diçka të tillë ta bëjë Skënderbeu që nuk merr pjesë në Europë prej bllokadës nga FIFA.
Poll
Lexo gjithashtu
