Ze Maria deklaroi përpara ndeshjes me Teutën se Tirana mund të luftonte për titullin kampion vetëm nëse siguronte një sulmues qendre dhe një krahu. Dhe bardheblutë i kanë plotësuar njërën prej dëshirave të tij.
24-herë kampionët e Shqipërisë kanë firmosur me sulmuesin 27-vjeçar nigerian Nnamdi Oduamadi. Mesfushori anësor ka qenë pjesë për një kohë të gjatë e Milanit. Dhe krueqytetasit kanë bërë një goditje të rëndësishme në merkato në ditën e fundit të përfundimit të merkatos në të gjitha logat europiane. Ai do të mbërrijë javën e ardhshme në Shqipëri për t'u formalizuar si përforcimi më i ri i Tiranës.
"Një perforcim me shumë vlera për skuadrën bardheblu. Sulmuesi nigerian ka firmosur sot në Milano kontratën që e bën zyrtarisht pjesë të Tiranës. Drejtori Ekzekutiv Hektor Çomo ka finalizuar me sukses në transferim mjaft të rëndesishëm. Oduamadi ka qenë për 8 vite futbollist i Milanit ndërkohe që ka provuar edhe disa aktivizime në skuadra te Serise B në Itali si i huazuar. Sezonin e fundit ai ka qene pjese e skuadrës kuqezi ndërkohë që me perfundimin e kontrates ne Korrik, ka firmosur transferimin në Shqipëri. 27-vjeçari do të mbërrijë në Tiranë javën e ardhshme dhe pasi të kryejë analizat mjekësore do të vishet bardheblu. Oduamadi ka firmosur një kontratë per dy vite bardheblu."
Lexo gjithashtu
