Tirana ka humbur ndaj Kukësit ditën e sotme me rezultatin e thellë 3-1, ndeshje e vlefshme për javën e tretë të kampionatit në Superligë. Humbja e bardhebluve ndaj verilindorëve ishte diçka e papritur, kështu e kanë përjetuar dhe tifozët e kësaj skuadre.
Së fundmi, në një reagim në Facebook, tifo-grupi "Tirona Fanatics" ka akuzuar drejtuesit për këtë humbje të thellë, duke i cilësuar këta të fundit fajtorë për situatën e krijuar.
Reagimi i tifo-grupit "Tirona Fanatics" në Facebook":
"Refik Halili, pseudostafi i pseudoklubit të tij, lojtarët totalisht amator pa kurrfarë identiteti bardhë e blu dhe pa kurrfarë gjaku, janë me të vërtetë TURPI dhe MALLKIMI I TIRONES!
Ne mbështesim emrin, ngjyrat, traditën dhe historinë bardhë e blu!
Ju jeni ata qe po i shkatërroni të gjitha!
Dita më e mirë për Tironën do të jetë dita kur ju të largoheni, nga i pari tek i fundit!
AMATOR!".
Lexo gjithashtu
