Trajneri i Besiktas, Senol Gunes, foli në konferencën për shtyp përpara sfidës me Tiranën nesër në orën 20:00, në kuadër të raundit të dytë kualifikues në Conference League.
“Kemi patur një periudhë përgatitjesh intensive. Donim ta nisnim sezonin mirë dhe deri tani duket çdo gjë në rregull. Kemi zhvilluar vetëm 2 ndeshje miqësore, por janë shumë ndryshe nga ato zyrtaret. Tani do luajmë ndeshjen tonë të parë zyrtare. Nuk bëjmë dallime mes skuadrave të mëdha dhe të vogla. Në ndeshjen tonë të parë do të luajmë ndaj Tiranës ku ka disa futbollistë që i njohim.
Tirana luan mirë në kundërsulm dhe janë solid në mbrojtje. Po humbisnin ndeshjen e parë 1-0 dhe barazuan në fund, më pas fituan në transfertë. Janë një ekip që përshtatet më mirë në ndeshjet në transfertë. Do të jetë e vështirë por ne kemi fuqi, besim, cilësi, dhe duam të marrim rezultate të mira në të dy ndeshjet. Duam kualifikimin.
Kjo ndeshje do të jetë një test për ne. Jemi munduar që të përmirësojmë lojën tonë dhe djemtë kanë bërë një punë të mirë. Shpresoj të bëjnë të njëjtën edhe nesër.
Duhet të jemi të përgatitur për kundërsulmet, pasi bëhemi një skuadër entuziaste që mbyll ekipin kundërshtar në fushën e vet dhe dëshiron të fitojë. Unë pres të bëjmë futboll pozitiv, ambicie për të fituar dhe paraqitje individuale që integrohen në lojën e ekipit. Ambienti do të jetë i mirë, meqë është ndeshja e parë zyrtare, tifozët do të vijnë për të parë një futboll të mirë”, tha ndër të tjera Gunes.
Lexo gjithashtu
