Elton Marini ka folur para ndeshjes së Partizanit kundër Teutës në transfertë. Drejtori sportiv i të kuqve vlerësoi deklaratën e trajnerit Colella i cili u shpreh se është i nënvlerësuar për potencialin që ka.
Gjithashtu u ndal te homologu i tij, Tefik Osmani. Drejtori sportiv i Tiranës u shpreh pas shortit se bardheblutë e kanë fituar titullin. Për këtë, në mikrofonin e Oversport, Elton Marini tha:
“Fjalët e sinqerta janë gjithmonë shumë pozitive t’i dëgjosh. Vlerësimi i misterit ishte i sinqertë nga ana e vet. Jetojmë në një ambient ku tregu bën dallimin e vet. Përditshmëria është ajo që tregon në këtë lloj tregu. Unë rikthehem në këtë pozicion. Kam qenë drejtor sportiv në 2007-2008 te Apolonia. Jam munduar që eksperiencën time ta vendos në shërbim të Partizanit. Me batutë do të thoja: Doni më për shokun Bilal?
Deklarata e Osmanit? Janë personale dhe në kontekste të ndryshme të punës. Ne e kemi obligim titullin për emrin që ka Partizani. Dua të fitoj titullin sepse nuk e kam bërë si lojtar, dua ta bëj si trajner. Të kënaqim presidentin, tifozët dhe siç e thashë veten time”, tha ai.
Lexo gjithashtu
