Partizani dhe Teuta u përballën në ‘Niko Dovana’ për ndeshjen e prapambetur të javës së parë të Superiores. Sfida përfundoi në barazim 1-1 me durrsakët që dukeshin shumë më kërkues në fushën e lojës. Opinionistët në studion e ‘Skaner’ të Gerti Çarçanit në MCN TV kanë bërë analizën e tyre për këtë ndeshje.
Ermal Tahiri dhe Nevil Dede mendojnë se djemtë e Edi Martinit meritonin më shumë se barazim ditën e sotme. Sipas tyre, Partizani vuajti ngarkesën e derbit me Tiranën dhe duke qenë se ishte një ndeshje e prapambetur, lojtarët e kuq nuk kishin motivimin e duhur.
Ermal Tahiri: Teuta ishte më superiore, mund ta mbyllte shumë më shpejt. Ndoshta fati dhe problemet në sulm ndikuan, ndaj është me vetëm 10 gola. Pjesa tjetër është shumë e mirë nga Teuta, me presione e aksione të shumta. Partizani i pjesës së parë ishte shumë i vakët e me shumë gabime. Në pjesën e dytë arritën të barazonin, porn ë asnjë lloj mënyrë nuk e meritoi fitoren. Teuta mori një pikë, por mund t’i lërë një shije të keqe humbja e 2 pikëve.
Nevil Dede: Partizani ishte me ritëm të ulët dhe interpretimi i lojës ishte i ngadaltë. Pikë referimi kishin vetëm Mba. Teuta meritonte më shumë në 70 minutat e luajtura. Duhet të shënonte golin e dytë, shpërdoruan shumë raste të pastra. Ndeshjen mund ta fitonte edhe Partizani, por bonusi që ka një ndeshje të prapambetur nuk i dha motivin e duhur lojtarëve të Partizanit.
Teuta është në fund por nuk e meriton të jetë aty. Partizani është Partizan, ka kualitete dhe e vuri në vështirësi Teutën në fund. Partizani ka një lodhje mendore pasi vuajti në derbi. U shpërblye me golin e Kekos. Të gjitha këto ishin disfavore sot për Partizanin, ndërsa favor për Teutën. Kjo pikë është pikë morali për Teutën. Në letër ishte Partizani favorit, por në fushë rezultoi që Teuta ishte më favorite.
Lexo gjithashtu
