Mirlind Daku është një emër i njohur në kampionatin shqiptar, ku ka luajtur me skuadrën e Kukësit. Edhe pse në vendin tonë u largua si i padëshiruar nga verilindorët, së fundmi bëhet me dije se është drejt bashkimit me kombëtaren shqiptare.
“Indeksi Online” raporton se shtatlarti i fazës ofensive ka nisur dokumentacionin për t’u bërë pjesë e kuqezinjve. Edhe pse në Kombëtaren tonë duket e vështirë për një vend titullari, lojtari i NS Mura-s shumë shpejt mund të vihet nën urdhrat e trajnerit Sylvinho.
Këtë sezon ai është aktivizuar në 18 ndeshje, ku ka arritur të realizojë 11 gola.
