Zlatan Ibrahimovic ka dhënë një mesazh domethënës për të gjithë nga pallati Ariston në finalen e Sanremo. Si bashkëprezantues, Ibra ka treguar se jo më kot është aty, megjithë sfidat e fituara.
Si dëshmitar i shumë sfidave në jetën e tij, Ibra ka thënë mbrëmë në Sanremo se ai ndodhej aty se i pëlqenin sfidat dhe se të gjithë mund të ndryshonin një ditë nisur edhe me dështimet e mëparshme.
“Dështimi nuk është e kundërta e suksesit, është pjesë e suksesit”.
Të gjithë e njihnin Zlatanin para këtij festivali, përse erdhi Zlatan këtu? Sepse atij i pëlqejnë sfidat, adrenalina. Nëse nuk e sfidoni veten, nuk mund të fitoni. Kam luajtur 945 ndeshje në karrierën time dhe fitova shumë prej tyre, por jo të gjitha. Kam fituar 11 tituj, por kam humbur edhe disa. Kam fituar shumë trofe, por kam humbur edhe disa.
Unë jam Zlatan edhe pa fituar asnjë ndeshje. Unë jam Zlatan kur fitoj dhe kur humbas. Kam shënuar shumë gola, por kam humbur edhe disa. Shume pak. Dështimi nuk është e kundërta e suksesit, është pjesë e suksesit.
Të mos bësh asgjë është dështimi më i madh nga të gjithë. Nëse Zlatan mund të bëjë një gabim, edhe ju mund të bëni, gjëja e rëndësishme është të bëni një ndryshim çdo ditë: përpjekje, përkushtim, këmbëngulje, përqendrim. Unë jam në këtë festival për t’ju thënë të gjithëve se në mënyrën tuaj të vogël, ju mund të jeni Zlatan. Faleminderit Italisë, shtëpisë sime të dytë”, tha sulmuesi suedez i Milan.