Paraqitjet e bëra me Estoni me skuadrën e JK Trans Narva kanë drejtuar prozhektorët nga Arbër Basha.
Talenti i kombëtares shqiptare U-21 është aktivizuar në 12 ndeshje në kampionatin estonez, 11 prej të cilave si titullar, ku ka shënuar dhe një gol. Statistika të frikshme këto për një 21 vjeçar, duke parë edhe pozitën e tij në fushë.
Futbollisti kryeqytetas aktivizohet në qendër ose në krahun e djathtë të mesfushës, çka ka bërë që interes për të të ketë nga Ukraina. Është skuadra Olimpic Donetsk që shfaqi interese për Bashën gjatë merkatos së janarit, por palët nuk arritën të gjenin gjuhën e përbashkët.
Më parë, Basha është aktivizuar me Vllazninë U-19, nga ku më pas firmosi në Kategorinë Superiore me Kamzën. Kartoni i 21 vjeçarit vlerësohet nga "Transfermarkt" me rreth 50 mijë euro.
Lexo gjithashtu
