Janë luajtur ditën e sotme dy ndeshjet e fundit për javën e 23 të Superligës së Kosovës. Sfidat e sotme ishin mjaft interesante, në të cilat janë shënuar plot 9 gola.
Malisheva mori një fitore të madhe në transfertë përballë Gjilanit. Ndeshja përfundoi me fitoren 2-3 të miqve. Protagonist kryesori i kësaj sfide ishte talenti i Malishevës, Drilon Hazrollaj. Ky i fundit ishte autori i të 3 golave për të tijët. Ndërsa për Gjilanin golat u shënuan nga Jarovic dhe Shabani.
Pas kësaj fitoreje mjaft të rëndësishme, Malisheva i afrohet zonës europiane ku shkon në kuotën e 41 pikëve në vendin e katërt, 2 më pak se Drita e vendit të tretë. Në krahun tjetër, Gjilani vazhdon krizën, me “Skifterat” që mbetet në vendin e tetë me 22 pikë.
Në ndeshjen tjetër, Prishtina rikthehet te fitorja pas dy barazimeve dhe 1 humbje. Kryeqytetasit mposhtën në shtëpi Lirinë e Prizrenit me rezultatin 3-1. Golat për Prishtinën u shënuan nga Muja, Uka dhe Kryeziu, ndërsa për Lirinë golin e vetëm e shënoi Gjumsi.
Me këtë fitore Prishtina shkon në kuotën e 34 pikëve dhe renditet në vendin e pestë, ndërsa Liria e Prizrenit mbetet e fundit në tabelën e klasifikimit me vetëm 10 pikë pas 23 javësh kampionat.
Lexo gjithashtu
