Barcelona e pëlqen shumë dhe nuk bëhet fjalë vetëm për këtë sezon. Fjala është për Stefano Sensin, mesfushorin shtatëshkurtër që kaloi këtë sezon te Inter. Conte e donte me patjetër në skuadër dhe duket se I ka besuar çelësat e mesfushës gjatë kësaj periudhe. Ashtu siç raporton e përditshmja "Sport", organ pranë katalanasve; drejtuesit e Barcelonës kanë kryer një sondazh për një afrim të mundshëm të Sensit. 24 vjeçari u bashkua vetëm këtë sezon me zikaltërit, duke zhvilluar nëntë paraqitje dhe tre gola.
Stefano është në listën e katalanasve, mësohet se mes drejtueve ka pasur kontakte konkrete duke propozuar edhe një çmim fillestar. Barcelona ka arritur një marrëveshje me Inter, se nëse dëshiron të shesë mesfushorin duhet të përqëndrohet më herët te oferta e tyre, në krahasim me klubet e tjera. Topi kalon në anën e Inter, por mesa duket Conte nuk dëshiron të heqë dorë nga "benjamini" I ri i formacionit.
Lexo gjithashtu
