Kombëtarja shqiptare mbylli kualifikueset e Euro 2024 me barazim, teksa në “Air Albania” u ndalën në 0-0 nga Ishujt Faroe. Gjithsesi mbrëmja e djeshme ishte një ditë festë për kuqezinjtë, të cilët siguruan kualifikimin për në Gjermani që në transfertën moldave.
Sylvinho bëri disa ndryshime në formacion, plot 5 në krahasim me duelin me Moldavinë. Padiksutim braziliani është “arkitekti” i kësaj skuadre, e cila ka emocionuar çdo tifoz në këto kualifikuese. Si asnjëherë më parë skuadra jonë përfundon e para në grup, ndërsa ka arritur të koleksionojë plot 15 pikë.
Një sukses i jashtëzakonshëm që tashmë e bëjnë ekipin tonë të jetë mes skuadarve favorite dhe shanset janë që në grup të peshkojë skuadra më të lehta në letër. Sylvinho ndërtoi një superskuadër, e cila e ktheu “Air Albanian” në një “fortesë”. Në 8 ndeshje të zhvilluara shënuan 12 gola dhe pësuan vetëm 4.
Braziliani parakalon edhe Gianni De Biasin, me këtë të fundin përjetuam emocionet e para të finaleve të në europiani, teksa ishim në Francë 2016. Italiani ia doli që në 8 ndeshje të grumbullonte 14 pikë.
Rekordi thyhet dhe tashmë Sylvinho është ai që udhëheq. Të tjera emocionet do të na presin në Gjermani për të shijuar një tjetër europian spektakolar.
Lexo gjithashtu
