Supriza e këtij kampionati, TEUTA shpall dy synimet e qarta për sezonin e ri

Nisja e sezonit për Teutën ka qenë e ngadaltë, por e qëndrushme. Edhe pse kanë vështirësi në gjetjen e golit, durrsakët kanë ditur të mbrojnë me fanatizëm portën duke mos pësuar asnjë gol deri më tani. Merita për këtë i shkon prapavijës, por dhe teknikut Bledi Shkëmbi që ka ditur të sjellë harmoni te “Djemtë e detit”. Ngërçi i vetëm deri më tani është finalizimi përballë portës kundërshtare, ku duket qartë se reparti sulmues ndien pasiguri. Por mbi të gjitha klubi ka dy objektiva: mospërsëritjen e sezonit të fundit zhgënjyes si dhe fitoren e Kupës së Shqipërisë. Dy ndeshjet e radhës për bregdetarët janë me Turbinën në Kupën e Shqipërisë dhe Kukësin në kampionat. Teuta duhet të provojë sërish se ecuria e saj e mirë deri tani nuk ka qenë rastësi.