Superleague fiton një betejë tjetër dhe drejtësia edhe një herë del kundër UEFA . Magjistrati i Gjykatës Ekonomike numër 17 i Madridit, konfirmoi plotësisht urdhëresën e 4 qershorit 2021, duke përjashtuar zyrtarisht që UEFA mund të vendosë sanksione kundër skudrave që ishin bashkuar me projektin dhe duke pranuar kërkesën e kompanisë "A22 Sports Management SL" në procedurën e njohur si Superleague.
UEFA u mundua të evitonte me një apel që u hodh poshtë nga gjykata. Sipas Nenit 13 të Kodit të Procedurës Civile, Gjykata pranon se ndërsa po gjykon një gjyq, çdokush që tregon një interes të drejtpërdrejtë dhe legjitim për rezultatin të çështjes mund të pranohet si paditës ose i paditur. Kështu që, kompania A22 Sports Management që është e përfshirë në konceptimin, krijimin, promovimin, financimin dhe zbatimin e Superleague mbetet si një kompani civile kundër UEFA-s.
Shoqata Evropiane e Futbollit nuk ka të drejtë as të gjobisë e as të përjashtojë klubet themeluese të iniciativës nga çdo garë. Kështu që UEFA, përmes faqes së saj në internet, do të duhet të bëjë publike anullimin e referimeve kundër Real Madrid, Barcelona dhe Juventus dhe marrëveshjen me nëntë klubet që kanë themeluar Superleague. Rezultati i apelimit kërkon pajtueshmëri me masat paraprake, përndryshe ata do të duhet të përgjigjen ligjërisht, deri në dënimin.
Lexo gjithashtu
