Hapësire reklamuese

Çështjet kryesore

FACENEWS

"Pata fat ta ndjek këtë gjeni të futbollit tonë", urim special nga presidenti META për legjendën Sulejman DEMOLLARI

Shkruar nga NEWSPORT

Ilir Meta ka uruar Sulejman Demollarin për 55-vjetorin e tij të lindjes. Presidenti i Republikës së Shqipërisë ka shkruar me "gërma të arta" për ish-lojtarin që i dha cilësi dhe ton futbollit shqiptar.

Përmes një postimi në kanalin zyrtar, uron legjendën dinamovite, duke e cilësuar si modelin e adhuruar nga të gjithë për talentin që e karakterizonte.

"Edhe 100 pranvera të reja për legjendën e Kombëtareve tona të futbollit, Sulejman Demollari, sot në ditëlindjen e tij. Pata fatin ta ndjek këtë gjeni të futbollit tonë, që nga shkëlqimi i tij me Kombëtaren e të rinjve, me Shpresën që skualifikoi Gjermaninë dhe ekipe të tjera të mëdha, si dhe në të gjitha ndeshjet e Kombëtares sonë që fitonte ndaj Belgjikës dhe ekipeve të njohura të kohës. 
Simbol i dy Dinamove, të Tiranës dhe Bukureshtit, Sula mbetet modeli i adhuruar i gjithë sportdashësve për talentin e pakufishëm, për vizionin dhe imagjinatën e tij që bënte diferencën, për shpirtin e ekipit që frymëzonte nga minuta e parë në të fundit dhe korrektësinë shembullore.
Në këtë 55-vjetor urimet më të mira edhe për familjen e tij, që e mbështeti aq shumë dhe gjithë fansat e tij", ishte urimi i presidentit Ilir Meta për Sulejman Demollarin.

Urimi i presidentit Meta
Tags:

FACENEWS

Poll

Lexo gjithashtu

Superiore - Ndeshjet

Kategoria Superiore

Itali - Serie A

Spanjë - La Liga

Angli - Premier League

Gjermani - Bundesliga