Prestigjiozja spanjolle, “ESPN” i ka dedikuar një artikull tifozëve shqiptarë që po udhëtojnë drejt Gjermanisë për të mbështetur Kombëtaren kuqezi për sfidën e parë të Euro 2024, atë kundër Italisë.
Sipas burimeve të “ESPN”, UEFA dhe autoritetet gjermane po përgatitet për mbi 50 mijë tifozë të Shqipërsië që do të jenë prezent mbrëmjen e së shtunës në Dortmund, pikërisht për sfidën përballë “Azurrëve”. Media spanjolle thotë se ky është grupi më i madh i udhëtuesve, pra më shumë se çdo skuadër tjetër, përveç Gjermanisë që është vendi pritës.
Më tej, “ESPN” ndalet edhe te parlamenti i Shqipërisë që është pezulluar pikërissht për shkak të Euro 2024.
“Interesi i madh për këtë ndeshje ka bërë që kryeministri shqiptar, Edi Rama të pezullojë parlamentin e vendin për 10 ditë për të mundësuar që mbi 100 ministra dhe parlamentarë të marrin pjesë në ndeshjet e grupit B, kundër Italisë, Kroacisë dhe Spanjës”.
Edhe pse “Signal Iduna Park”, stadiumi i Borussia Dortmund mban 81 mijë spektatorë, kapaciteti është reduktuar në 62 mijë gjatë Euro 2024 dhe burimet e UEFA-s thontë se një numër i madh i këtyre biletave të seksionit neutral për ndeshjen Itali – Shqipëri janë blerë nga shqiptarët.
Gjithashtu, shumë banorë shqiptarë në Gjermani kanë blerë biletat për paraqitjen e parë të Shqipërisë në Euro 2024 që prej vitit 2016, ndërsa kampionia në fuqi, pra Italia pritet të mbështetet nga më pak se 10 mijë tifozë, për shkak të shumicës dërrmuese të biletave të blear nga tifozët shqiptarë.
Lexo gjithashtu
