Elseid Hysaj disa ditë më parë u “surprizua” për keq nga skuadra e Lazios dhe Mauricio Sarri. Kjo pasi mbrojtësi është përjashtuar nga lista e skuadrës për ndeshjet e Serie A deri në muajin janar.
Kur u mendua se Hysaj po merrte veten nga shqetësimi që shfaqi në duelin Shqipëri – Angli, u la jashtë nga italianët, të cilët siç duket nuk e konsiderojnë shqiptarin për ndeshjet e ardhshme.
Por diçka e tillë duket se është marrë me sportivitet nga vetë futbollisti. Së fundmi nëpërmjet një “Insta-Story”, mbrojtësi ka postuar një foto.
Në të shikohet duke bërë ski, një tjetër hobi i shkodranit. Lideri i Kombëtares siç dihet herë pas here e praktikon diçka të tillë, ndërsa mbetet të presim në ditët në vazhdim për të mësuar edhe çfarë do të ndodhë me të ardhmen e mbrojtësit.
Hysaj ka kontratë me Lazion deri në qershor të vitit 2026, me 31-vjeçarin që deri më tani me italianët në këtë sezon ka luajtur në vetëm 3 ndeshje.
Lexo gjithashtu
