Interi fitoi bindshëm ndeshjen e sotme kundër Veronës në transfertë. Në sfidën e ligës italiane mbyllur 5-0 për ‘zikaltërit’ 'shkëlqeu' legjionari Kristjan Asllani.
Shqiptari luajti për 90 minuta dhe shpërbleu besimin e teknikut Inzaghi. Mesfushori elbasanas asistoi me një kryepasim në brendësi të zonës, në rastin e golit të 4-të.
Përveçse një asistimi dhe shumë pasimeve me vizion dhe me vertikalitet, Asllani mori dhe një super vlerësim. Mesfushori i Kombëtares për paraqitjen e sotme u vlerësua me notën 7.9.
Lojtari shqiptar i klubit nga Milano arriti që të zëvendësonte më së miri turkun e munguar Calhanoglu dhe mbi të gjitha ia kalojë të gjithë të tjerëve në repartin e preferuar, atë të mesfushës.
Asllani me notën e marrë ishte lojtari më i mirë në qendrën e mesfushës tek Interi.
Lexo gjithashtu
