Carlos Alcaraz nuk do të marrë pjesë në Madrid Open 2026, duke konfirmuar mungesën e tij për të dytin vit radhazi në këtë turne të rëndësishëm.
Tenisti spanjoll, aktualisht numri 2 në botë, ndau lajmin përmes rrjeteve sociale, duke theksuar zhgënjimin për mungesën në një nga turnetë më të dashura për të.
“Ka disa lajme që janë tepër të vështira për t’u ndarë. Madridi është shtëpia, një nga vendet më të veçanta në kalendarin tim, dhe kjo është arsyeja pse më dhemb kaq shumë që nuk mund të luaj këtu për të dytin vit radhazi”, shkroi ai.
Madrid Open është një nga turnetë më prestigjioze të kategorisë ATP Masters 1000, që zhvillohet në fushat me baltë në kryeqytetin spanjoll, me një fond çmimesh që kalon 9.7 milionë dollarë.
Kampioni në fuqi i turneut është Casper Ruud, ndërsa në historinë e tij kanë triumfuar edhe emra të njohur si Marat Safin dhe Andrey Rublev.
Lexo gjithashtu
