Merkato e janarit ka rezultuar në pak raste e suksesshme edhe pse shpenzimet përgjatë saj nuk kanë munguar. Klubet e Superligës kanë eksperimentuar edhe këtë janar për të gjetur lojtarët e nevojshëm që do të përforconin skuadrën, por një gjë e tillë ende nuk ka rezultuar. Newsport.al ka bërë një vëzhgim mbi paraqitjet dhe minutat që këta lojtarë kanë bërë duke arritur në një konkluzion të pakontestueshëm.
Skënderbeu bujshëm reklamoi si pasardhësin e Shkëmbit futbollistin rumun Pedresku të cilin e kemi parë vetëm pak minuta në fushë. Belgu Marvin Ogunjimi erdhi me një CV të pasur e me premtimin se do të ulte në stol Salihin ndërkohë që ende se kemi parë të zbresi në fushë dhe për më tepër që thuhet se është ende shumë larg formës.
Partizani i mori me bujë Skënderbeut sulmuesin Boniface, për të cilin korçarët në fund thanë se kishin qenë të painteresuar. Nigeriani ka mundur të debutoj por në fushë ka rezultuar një dështim. Premtoi të bënte 10 gola por ai vështirë të bëj 10 ndeshje në fushë e jo më 10 gola.
Veç Bonifaces, të kuqtë kanë afruar po me bujë Xhevair Sukaj që ende nuk ka luajtur asnjë minutë për shkak të formës së tij fizike dhe bashkë edhe Cetkoviç. Mesfushori malazez ka luajtur pak dhe gjasat janë ta ketë të vështirë të fitoj një vënd titullari në formacionin e Starovës.
Kukësi u tregua më pak aktiv në merkato duke afruar tre lojtarë. Kale dhe Rrumbullaku kanë mundur të luajnë rregullisht dhe justifikojnë pritshmëritë. Ndryshe është diskutimi për Kufre Ebong që i ka ngecur në derë skuadrës së Gjokës.
Në Vlorë me Flamurtarin që po lufton për mbijetesë u afruan çuditshëm në minutat e fundit Mauricjo Leal dhe Lynneeker, futbollistë brazilian të cilët nuk janë parë ende.