Sot, Kukësi do të luajë në transfertë kundër Partizanit, ndeshje e vlefshme për javën e 28-të të Superiores. Ky takim është vendosur të zhvillohet në orën 17:00, në stadiumin “Selman Stërmasi”, në kryeqytet.
Newsport.al ka analizuar shkurtimisht këtë takim dhe verilindorët janëmë të favorizuar për të dalë me “duart plot”. Më poshtë njihuni me 10 arsyet se pse Kukësi do të fitojë sot kundër Partizanit të drejtuar nga Adolfo Sormani.
10 ARSYE PSE KUKËSI FITON KUNDËR PARTIZANIT:
- Fitorja është i vetmi objektiv për të qenë deri në fund në lojë për titullin
kampion.
- Vijnë pas triumfit 2-1 kundër Luftëtarit dhe atmosfera në skuadër është
pozitive.
- Do të mungohen të kapin keq Partizanin e rënduar që nuk ngre kokë prej disa
javësh.
- Presidenti Gjici ka vendosur ultimatum për fitore.
- Tirana luan në transfertë kundër Luftëtarit dhe një humbje e Kukësit ndaj të
kuqve do të thoshte asist për bardheblutë drejt rrugës së titullit.
- Ka në skuadër një lojtar si Kristal Abazaj që di t’i zgjidhë ndeshjet në çastet
më të vështira.
- Ka një organikë me elementë cilësorë dhe Shehi e ka të lehtë përzgjedhjen e
titullarëve.
- Në skuadër bën pjesë Vasil Shkurtaj, futbollist i cili mund të arrijë të
fitojë Këpucën e Artë.
- Mungesa e tifozëve është minus për Partizanin, pasi Kukësi prej dy vitesh është
mësuar pa praninë e tyre.
- Në mesfushë, Shehi ka një “armë” më shumë pasi Vesel Limaj mund të futet sot
në fushë për të kontribuar për objektivin e radhës.
Lexo gjithashtu
