Spanja bën dorëzimin e trofeut pikërisht në 1/8-at dhe kthehet në shtëpi, duke lënë kështu përfundimisht Europianin. Spanja tashmë nuk është më një superfuqi, e vërtetoi dy vite më parë në Botëror dhe e vërtetoi pak minuta më parë në kampionatin Europian ndaj Italisë.
Italia ka arritur që t’ia dalë më së miri në takimin kundër Spanjës, duke fituar ndeshjen me rezultatin 2-0 dhe duke thyer përfundimisht tersin me emrin “Spanjë”. Goli i Cheillinit në minutën e 33 dhe ai i Pelle në minutën e fundit të takimit i kanë dhënë kualifikimin në çerekfinale “axurrëve” të drejtuar nga Antonio Conte. Ndërsa edhe ndeshjen e kanë dominuar gjatë gjithë 90 minutave. Gjuajnë shtyllën, disa raste flagrante për gol dhe në fund fati iu buzëqesh duke kaluar në çerekfinale ku do të përballen me Gjermaninë.
https://www.youtube.com/watch?v=euN5-lDQuJw
Itali – Spanjë 2-0
Shënues: Chiellini 33′, Pelle 90′
Italia: Buffon, De Sciglio, Chiellini, Florenzi, Pellè, Barzagli, De Rossi, Éder, Parolo, Bonucci, Giaccherini. Trajner: Antonio Conte
Skema: 3-5-2
Spanja: De Gea, Piqué, Busquets, Iniesta, Morata, Fàbregas, Ramos, Juanfran, Jordi Alba, Silva, Nolito. Trajner: Vincent del Bosque
Skema: 4-3-3
Gjyqtarë: Cüneyt Çakır, Bahattin Duran, Tarik Ongun (Turqi)
Stadiumi: “Stade de France”, Saint-Denis
