Abissnet Superiore do të luajë ditën e sotme spirntin e fundit të saj me 5 ndeshjet e javës së 36-të. Tirana dhe Partizani janë në garë për titullin kampion. Bardheblutë shpresojnë në një hap të të kuqve për t’u shpallur kampionë. Nga ana tjetër Partizani i ka vetë në dorë fatet e tij.
Një nga sfidat më të rëndësishme në këtë javë është përballja mes Partizanit dhe Teutës. Të dyja ekipet janë të dënuara për fitoren. Demat për titullin kampion, ndërsa djemtë e detit për Europën.
Pikërisht kjo ndeshje do të vijë falas në shtëpitë tuaja nga ekrani i RTSH-së. Dueli do të startojë në orën 16:00 dhe do të luhet në “Arenën e Demave”.
