Sormani çudit, zhvlerëson Salzburgun

Te të kuqtë dita e dielë nuk ishte pushim, sepse nesër do të luhet kundër Salzburg në “Elbasan Arena” për raundin e tretë eliminator të Champions League. Trajneri Adolfo Sormani së bashku me ndihmësit e tij kanë analizuar kundërshtarin përmes pamjeve televizive.

Trajneri mësohet t’iu ketë thënë të tijve: “Janë të frikshëm, por edhe Ferencvaroshi i tillë ishte në letër. Siç e shikoni, kundërshtari ynë është i fortë fizikisht, pra ne duhet të bëjmë një sforco të madhe për të tentuar rezultatin pozitiv”.