Tekniku i
talian i të kuqve, Adolfo Sormani, së bashku me qendërmbrojtësin Renato Arapi kanë dalë në konferencë për shtyp një ditë para ndeshjes me Ferencvaroshin. Tashmë të kuqtë ndodhen në Hungari. Sormani është shprehur i vetdijshëm për vështirësinë e sfidës së ditës së nesërme, megjithatë ai beson te grupi në skuadër.
"Luajmë përballë një skuadre me traditë , dhe e dimë na pret një ndeshje e vështirë. Këmi 4 lojtarë me probleme por gjithsesi besojmë se do të dhurojmë një ndeshje të mirë. Ferencvaros është një skuadër kun ë gjirin e saj ka lojtarë të cilët e përdorin mirë topin dhe disponojnë një teknikë të lartë. Mendoj se ndeshja e parë e luajtur në Elbasan Arena ishte një 90 minutësh i ekuilibruar ndrësa nesër Ferencvaros luan në shtëpi dhe sigurisht do të bëjnë ndeshjen e tyre është mëse e drejtë. Për këtë përballje nuk jemi favorit megjithatë ne duam të jemi një skuadër. Autori i golit të barazimit në ndeshjen në Elbasan Daniel Bode ,është me të vërtet një lojtar cilësor , do të bëjmë të pamundurën për ta bllokuar", ka deklaruar Adolfo Sormani.
Edhe qendërmbrojtësi Arapi ka mbajtur të njëjtjën linjë me teknikun italian, teksa është shprehur i vetdijshëm për sfidën e vështirë që e pret. Gjithashtu durrsaku ka zbuluar edhe mënyrë e lojës që do të mundohen të kuqtë të zhvillojnë.
"Jemi të vetëdijshëm për forcën e kundërshtarit, por ne do të hyjmë në fushë për të bërë më të mirën tonë. Ekipi nuk është 100% të formës së tij , por po arrin të përmirësohet nga ndeshja në ndeshje. Do të mundohemi të mbrohemi fillimisht dhe të shfrytëzojmë rastet që do të na paraqiten. Jemi përgatitur të luajmë ndaj çdo kundërshtari pasi bëjmë lojë në zonë", përfundoi Arapi.
Lexo gjithashtu
