Situtata te skuadra e Lirisë në Superligën e Kosovës duket se nuk është aspak e qetë, kjo pasi së fundmi janë larguar tre trajnerët e njohur, Agron Beseni, Bekim Bakaj dhe Enis Gashi. Që të tre peronazhet në fjalë kanë konfirmuar për mediat kosovare se ky vendim ka qenë i rëndë për ta, por i pashamngshëm.
Agron Beseni ka folur për mediat kosovare lidhur me këtë vendim të fundit, ku është shprehur: “Po, është e vërtetë që jemi larguar nga Liria, me shumë dhimbje pas një dekadë pune me fëmijët. Situata e krijuar në skuadër, trajtimi i padenjë, të anashkaluar dhe më një pagë që nuk mund t’i thuash as ndihmë sociale, janë ndër arsyet e largimit tonë”.
Kujtojmë që tre trajnerët në fjalë merreshin me trajnimin e të rinjve të skuadrës së Lirisë prej gati 10 vitesh, kohë në të cilën këta të fundit kanë bërë një punë të mirë, por sikurse ata shprehen së fundmi, nuk janë vlerësuar ashtu siç duhet.
Loading ...
