Mesfushori i Slovan Bratislavës, Richard Lasik ka folur për ndeshjen e nesërme me skuadrën e Partizanit, ku ka deklaruar që skuadra sllovake do të tentojë kualifikimin që në ndeshjen e parë, pavarësisht kohës së shkurtër që kanë pasur në dispozicion për t'u përgatitur. 23-vjeçari është një alternativë kryesore për trajnerin e Bratislavës, në formacionin e nesërm, pas paraqitjes së mirë të tij me Ostravën në Sllovaki.
"Viti i kaluar në Ostrava më ndihmoi jashtëzakonisht shumë. Kam luajtur rregullisht dhe unë kam të njëjtin qëllim si e gjithë skuadra. Nëse do të tentojmë për të fituar, unë besoj se do t'ia arrijmë", tha 23-vjeçari i Slovan Bratislavës.
Lasik ka folur për të gjitha miqësoret që kanë zhvilluar në këtë periudhë të shkurtër përgatitjesh.
"Përgatitja ishte me të vërtetë të shkurtër. Ne kemi ndryshuar disi formacionin. Koha e shkurtër e ka bërë trajnerin të mos mendojë shumë gjatë. Ne kemi punuar shumë taktikisht dhe fizikisht jemi të përgatitur. Besojmë se do të fitojmë", ka përfunduar mesfushori i shpresave të Sllovakisë dhe skuadrës Slovan Bratislavës.
Lexo gjithashtu
