Skuadra befason Sormanin, premton surprizën në Budapest

Skuadra e Partizanit luajti ditën e djeshme në “Elbasan Arena” në kuadër të raundi të dytë eliminator të Champions League. Të besuarit e Sormanit arritën të merrnin një rezultat pozitiv, teksa barazuan 1-1 me Ferencvaroshin, skuadër e konsideruar si tejet e vështirë. Tekniku Italian është shprehur i kënaqur me paraqitjen e skuadrës së tij, ku sipas “timonierit” të kuq, djemtë dhanë shpirtin në fushë duke luajtur si të barabartë.

“Përtej rezultatit të cilin sigurisht do ta konsideroj pozitiv, ajo që më entuziasmoj sonte ishte paraqitja e skuadrës. Ekipi dha maksimumin në fushë duke zbatuar mësë miri të detyrat taktike që i kisha trasmetuar. Nuk dua të veçoj asnjë nga lojtarët , por grupin i cili dhuroj një paraqitje që më ka bindur pas ka luajtuar i barabartë ndaj një kundërshtari shumë më lart se ne në çdo aspekt . Pikërisht nëse luajmë në këtë mënyrë në grup do të arrijmë edhe rezultat pasi një skuadër fiton në grup dhe kjo nga individë. Objektivi kualifikim mbetet ende i hapur por ju siguroj se edhe në Budapest do të synojmë të dhurojmë një ndeshje si kjo e sotmja në “Elbasan Arena” . Jemi në fazën e një projekti të nisur që prej ardhjes time te Partizani dhe skuadra gradualisht po merr formë. E theksoj edhe një herë se sot skuadra ka dhënë shpirtin në fushë dhe kjo është gjëja më pozitive që kemi marrë nga ky 90 minutësh”, përfundoi tekniku Italian.

Ndeshja e kthimit do të luhet pas një jave në Budapest të Hungarisë, takim që do të përcaktojë se cila skuadër vazhdon rrugëtimin në Champions League.