Një selfie me Ilir Dajën, arkitektin e kualifikimit të Skënderbeut në Korçë përballë Kairatit dhe më pas foto e postuar në facebook. Ylli Aga ka zgjedhur dje pas komentit të hapë një debat miqësor në llogarinë e tij në rrjetin social.
“Bravo Skënderbeu, bravo Ilir Daja! Shpëtim Gjika u binde sa i mbarë jam”?
Ky ka qenë mbishkrimi i komentatorit të njohur të Supersport mbi foton e tij me trajnerin Daja dhe kaq ka mjaftuar për të fabrikuar një numër të madh komentesh.
Fillimisht vjen urimi i Ernest Gjokës dhe më pas i personazheve të tjerë të njohur nga bota e sportit. Nuk mungon as komenti i ish kryebashkiakut të Flamurtarit, Shpëtim Gjika, tifoz i thekur i Flamurtarit dhe rival me Skënderbeun gjashtë vite më parë.
“I mbare je Ylli i mbarë, por mbi të gjitha, edhe pse nuk jam tifoz i Skënderbeut dhe vazhdimisht kam kontestuar disa gjëra për ta, më duhet të pranoj me shumë sinqeritet, që Skënderbeu, është ekipi më i mirë dhe më i organizuar në Shqipëri! Duke qenë që është i vetmi ekip shqiptar sot në kompeticionet europiane, këtë fakt e pranoj jo me dhimbje por me krenari. Urime dhe respekte Skenderbeut. Ylli mos e hiq mjekrren”, ka komentuar Gjika.
[gallery columns="1" size="full" ids="128842"]
[gallery columns="1" size="full" ids="128840"]
Lexo gjithashtu
